Presidenti rus Vladimir Putin do të vizitojë homologun e tij kinez nga 19 deri më 20 maj, vetëm disa ditë pasi Presidenti i SHBA-së Donald Trump përfundoi një vizitë shtetërore në Pekin.
Lajmin e bëri të ditur Kremlini, shkruan A2.
Në një postim në Telegram, Ministria e Punëve të Jashtme e Rusisë tha se Putin do të bënte udhëtimin zyrtar "me ftesë" të Presidentit kinez Xi Jinping, duke shtuar se qëllimi ishte të shënonte 25-vjetorin e nënshkrimit të Traktatit të Fqinjësisë së Mirë dhe Bashkëpunimit Miqësor midis dy kombeve.
Dyshja do të diskutojë mënyrat për të thelluar "partneritetin gjithëpërfshirës dhe bashkëpunimin strategjik" të vendeve të tyre dhe për të ndarë pikëpamjet mbi "çështjet kryesore ndërkombëtare dhe rajonale".
"Pas bisedimeve, ata pritet të nënshkruajnë një Deklaratë të Përbashkët në nivelin më të lartë, si dhe një numër dokumentesh dypalëshe ndërqeveritare", lexohet në deklaratën e Ministrisë.
Putin do të takohet gjithashtu me Kryeministrin kinez Li Qiang për të folur për bashkëpunimin ekonomik dhe tregtar, shton njoftimi. (A2 Televizion)
A2 CNN Livestream
MUND TE LEXONI GJITHASHTU
