Përfaqësuesi Lee Seong-yoon, i partisë kryesore opozitare të Koresë së Jugut, foli për BBC pak më parë nga salla kryesore e Asamblesë, teksa priste fillimin e votimit.
Sipas mediave të huaja, ai tha se duhej të ngjitej mbi një gardh 1.5 m të lartë për të hyrë në Asamble, sepse policia e bllokoi atë, edhe pasi ishte identifikuar se ai ishte ligjvënës.
Më herët ligjvënësit kanë votuar për të bllokuar lëvizjen e presidentit për të shpallur gjendjen ushtarake në Korenë e Jugut.
Por deri më tani, ushtria ka thënë se Ligji Ushtarak do të qëndrojë në fuqi derisa të vendosë Presidenti.
Tensionet në Korenë e Jugut kanë nisur pas përplasjeve në Parlament për projektligjin e Buxhetit të vitit 2025.
Po ashtu, në të njëjtën javë, opozita ka punuar për të fajësuar anëtarët e kabinetit, kryesisht kreun e agjencisë së auditimit të qeverisë, për dështimin për të hetuar Zonjën e Parë.
Nga ana tjetër, Presidenti i vendit tha se po shpallte Ligjin Ushtarak për të mbrojtur Korenë e Jugut nga forcat komuniste të lidhura me Korenë e Veriut, shkruan A2 CNN. (A2 Televizion)
A2 CNN Livestream
MUND TE LEXONI GJITHASHTU
