Të enjten, një delegacion i Pentagonit amerikan ishte në Kiev. Ata po bisedonin me Presidentin Volodymyr Zelensky rreth një draft-plani për t'i dhënë fund luftës në Ukrainë.
Sipas mediave të huaja, po atë ditë, në televizionin shtetëror rus, Presidenti Putin ishte i veshur me uniforma ushtarake. Ai po bisedonte me shefat e ushtrisë së tij për vazhdimin e luftimeve.
"Ne kemi detyrat tona, qëllimet tona", deklaroi udhëheqësi i Kremlinit. "Kryesorja është arritja pa kushte e qëllimeve të operacionit ushtarak special", shtoi ai.
Gazeta Izvestia e quajti vizitën e Presidentit Putin në një post komande "një sinjal për Amerikën se ai është i përgatitur të negociojë për Ukrainën, sipas kushteve të Rusisë". Gjë që na kthen te plani i paqes, shkruan A2 CNN.
Kremlini pretendon se "nuk ka marrë asgjë zyrtare" nga Uashingtoni. Por një propozim me 28 pika është publikuar dhe raportuar gjerësisht - dhe është interpretuar gjerësisht si favorizues i kushteve të paqes të Rusisë.
Për më tepër, plani i raportuar u shfaq pas një vizite në Amerikë nga i dërguari i Presidentit Putin, Kirill Dmitriev. Ai mori pjesë në tre ditë diskutimesh në Miami me të dërguarin special të Presidentit Trump, Steve Witkoff. (A2 Televizion)
A2 CNN Livestream
MUND TE LEXONI GJITHASHTU
