Pakistani është në kontakt me autoritetet amerikane dhe pret detaje të mëtejshme, pas lajmeve se një shtetas pakistanez i lidhur me Iranin është akuzuar për komplotin e dështuar për të vrarë ish-presidentin Donald Trump.
Kështu ka thënë zëdhënësi i Ministrisë së Jashtme në Islamabad. Zyra e Prokurorit të SHBA-së për Qarkun e Nju Jorkut tha dje se një ankesë u depozitua në gjykatën federale në Bruklin duke akuzuar Asif Merchant, i njohur gjithashtu si 'Asif Raza Merchant', për vrasje me pagesë në lidhje me një plan për të vrarë një politikan, apo zyrtarë qeveritarë amerikanë në tokën amerikane.
Policia e zbuloi komplotin para se të mund të kryhej sulmi. Merchant është në paraburgim federal në Nju Jork, thuhet në njoftim.
"Ne kemi parë raportet e medias. Ne jemi në kontakt me autoritetet e SHBA dhe presim detaje të mëtejshme," tha zëdhënësja e Ministrisë së Jashtme Mumtaz Zahra Baloch. (A2 Televizion)
A2 CNN Livestream
MUND TE LEXONI GJITHASHTU
