Qeveria e Bolivisë vendosi të ndërpresë marrëdhëniet diplomatike me Izraelin, duke e akuzuar këtë vend për krime kundër njerëzimit gjatë sulmeve në Rripin e Gazës.
Bolivia "ka vendosur të prishë marrëdhëniet diplomatike me shtetin izraelit në shenjë mohimi dhe dënimi të ofensivës ushtarake agresive dhe disproporcionale izraelite që po ndodh në Rripin e Gazës", tha zëvendësministri i Jashtëm Freddy Mamani në një konferencë për shtyp.
Ai shtoi se Bolivia bën thirrje për armëpushim dhe për t'i dhënë fund "bllokadës që pengon hyrjen e ushqimeve, ujit dhe elementeve të tjera thelbësore për jetën".
Ministria e Jashtme izraelite nuk iu përgjigj menjëherë një kërkese për koment.
Bolivia është ndër vendet e para që ndërpreu marrëdhëniet diplomatike me Izraelin lidhur me luftën në Gaza si kundërpërgjigje për sulmin e 7 tetorit në jug të Izraelit nga militantët e Hamasit. (A2 Televizion)
A2 CNN Livestream
MUND TE LEXONI GJITHASHTU
