Policia britanike ka arrestuar një burrë 46-vjeçar dhe një grua 47-vjeçare në Watford, në lidhje me një tentativë zjarrvënieje në një sinagogë në zonën e Finchley.
Sipas policisë, dy persona të maskuar hynë në ambientet e sinagogës, vendosën dy shishe pranë dritareve dhe hodhën një tullë. Njëra shishe përmbante lëndë të dyshuar si benzinë, por nuk u ndez. Nuk pati dëme apo të lënduar.
Ngjarja po trajtohet si krim urrejtjeje antisemitik dhe policia ka rritur praninë në zonë.
Sulmi vjen pas një incidenti të ngjashëm në Golders Green, ku disa ambulanca të një grupi hebre u dogjën. Autoritetet thonë se nuk ka prova që dy rastet janë të lidhura.
Sipas një raporti nga Universiteti i Tel Avivit, incidentet antisemitike janë rritur, me një shtim të rasteve edhe në Mbretërinë e Bashkuar gjatë vitit të fundit. (A2 Televizion)
A2 CNN Livestream
MUND TE LEXONI GJITHASHTU
