Më shumë se 600 mijë njerëz na rajonin e Kievit në Ukrainë janë pa energji elektrike pas një vale masive sulmesh nga Rusia gjatë natës. Ministria e Energjisë tha se 500 mijë e të prekurve ishin nË kryeqytet. Ajo fajësoi për ndërpreRjen e elektricitetit goditjes së infrastrukturës së energjisë në qytet me dronë dhe raketa. Rreth 36 raketa dhe gati 600 dronë u lëshuan ndaj objektivëve rreth Ukrainës të shtunën, me pasojë vdekjen e të paktën 3 personave dhe plagosjen e gati 30 të tjerëve. Forcat ajrore njoftuan se kishin rrëzuar 558 dronë dhe 19 raketa, shkruan A2 CNN.
Në shënjestër të sulmeve u vunë edhe një sërë godinash rezidenciale, me shpërthime të forta që tronditën Kievin. Blloqe apartamentesh u përfshinë nga flakët, ndërsa kryebashkiaku Vitali Klitcko tha se një 13-vjeçar ishte mes të plagosurve. Moska ka intensifikuar sulmet ndaj infrastrukturës civile dhe energjetike, në prag të dimrit, raporton A2 CNN.
Ministria e Mbrojtjes në Rusi njoftoi se kishte ndërmarrë nja sulm masiv kundër një kompleksi industrial ushtarak dhe strukturave energjetike që mbështesin operacionet e tyre. Bombardimet e fundit vijnë teksa negociatorët e Ukrainës përgatiten për bisedime me zyrtarët amerikanë këtë fundjavë, lidhur me planin e paqes të propozuar nga Trump. (A2 Televizion)
A2 CNN Livestream
MUND TE LEXONI GJITHASHTU
