Qeveria japoneze ka paraqitur një ankesë zyrtare ndaj Rusisë pasi Moska ndaloi hyrjen në territorin e saj të rreth 30 qytetarëve japonezë, përfshirë edhe një zëdhënës të Ministrisë së Jashtme. Ky veprim vjen në mes të tensioneve të vazhdueshme mes dy vendeve për shkak të luftës në Ukrainë.
Zëdhënësi i qeverisë japoneze, Minoru Kihara, deklaroi të mërkurën se “Japonia ka protestuar përmes kanaleve diplomatike” dhe se mbetet e përkushtuar ndaj sanksioneve të vendosura ndaj Rusisë “në bashkëpunim të ngushtë me vendet e G7-s dhe komunitetin ndërkombëtar”, shkruan A2 CNN.
Sipas njoftimit të Moskës, ndalimi i hyrjes për këta shtetas japonezë është “një masë hakmarrëse” ndaj sanksioneve të Tokios. Mes personave të ndaluar përfshihen drejtori i Departamentit të Informacionit të Ministrisë së Jashtme të Japonisë, Toshihiro Kitamura, disa gazetarë të mediave kryesore japoneze dhe akademikë të njohur.
Në shtator, Japonia kishte zgjeruar sanksionet kundër kompanive dhe individëve rusë, duke ulur gjithashtu kufirin e çmimit të naftës ruse nga 60 në 47,6 dollarë për fuçi.
Marrëdhëniet ruso-japoneze janë përkeqësuar ndjeshëm që prej aneksimit të Krimesë në vitin 2014 dhe mbështetjes së Moskës ndaj separatistëve në Donbas, ndërsa lufta e nisur nga Rusia në Ukrainë vijon ende. (A2 Televizion)
A2 CNN Livestream
MUND TE LEXONI GJITHASHTU
