Presidenti Donald Trump tha më herët se ishte "i zhgënjyer" me Vladimir Putin për sulmet e vazhdueshme të Rusisë në Ukrainë, ndërkohë që bisedimet për të siguruar paqen janë në vazhdim.
Sipas mediave të huaja, ndër sulmet më vdekjeprurëse të Moskës goditën Kievin javën e kaluar, ku autoritetet thonë se numri i të vdekurve tani është rritur nga 12 në 13 pasi një burrë 45-vjeçar vdiq së fundmi në spital.
Sulmi me raketa balistike, i cili gjithashtu plagosi rreth 90 persona të tjerë, ishte më vdekjeprurësi i nisur nga rusët në kryeqytetin e Ukrainës që nga korriku i vitit 2024, shkruan A2 CNN.
Volodymyr Zelenskyy nderoi kujtimin e të vrarëve në sulm, me një ceremoni në Kiev. Ai ka këmbëngulur se sulmet e vazhdueshme të Rusisë dëshmojnë se ajo nuk është e interesuar për paqen afatgjatë. (A2 Televizion)
A2 CNN Livestream
MUND TE LEXONI GJITHASHTU
