Presidenti ukrainas Volodymyr Zelenskyy ka bërë thirrje për një mburojë ajrore evropiane në përgjigje të ndërhyrjes së Rusisë në Poloni.
Sipas mediave të huaja, ai tha gjithashtu se aleatët duhej të rrisnin ndjeshëm fondet e përbashkëta për prodhimin e dronëve interceptorë.
Presidenti ukrainas tha se i ofroi Polonisë ndihmë, trajnim dhe ekspertizë në rrëzimin e dronëve rusë në një takim me kryeministrin Donald Tusk dhe Keir Starmer, kryeministren italiane Giorgi Meloni dhe shefin e NATO-s Mark Rutte.
“Ka disa arsye për këtë sjellje të paturpshme të Rusisë dhe ato janë absolutisht të qarta për të gjithë”, thotë Zelenskyy.
"Ne duhet të punojmë për një sistem të përbashkët mbrojtjeje ajrore dhe të krijojmë një mburojë efektive ajrore mbi Evropën”, vijoi ai më tej.
"Ukraina e ka propozuar këtë prej kohësh dhe ne kemi zgjidhje konkrete", shtoi ai, shkruan A2 CNN.
Ai vazhdoi: “Ne të gjithë e kuptojmë në mënyrë të barabartë se ky është një nivel krejtësisht i ndryshëm përshkallëzimi nga Rusia. Duhet të ketë një përgjigje të përshtatshme.”
(A2 Televizion)
A2 CNN Livestream
MUND TE LEXONI GJITHASHTU
