Mark Rutte fillimisht mori çekiçin e vendimeve… më pas u ul në “fronin” e aleancës ushtarake më të madhe të botës. Holandezi mori zyrtarisht detyrën si sekretar i përgjithshëm i NATO-s, duke zëvendësuar Jens Stoltenberg, që mbajti postin për një dekadë, shkruan A2 CNN.
“Dëshiroj të falënderoj Ingridin tim të dashur. Dua t’i them asaj se po vij në shtëpi. Këtë herë do ta mbaj fjalën. Po largohem nga Brukseli”, tha Jens Stoltenberg.
Rutte njihet si një kritik i madh i Vladimir Putin, mbështetës i Ukrainës dhe një politikan që arrin marrëveshje. Përvoja e tij e gjatë si kryeministër në Holandë për më shumë se 13 vite dhe aftësitë për të arritur konsensus edhe për çështjet më të vështira, kane qenë mjaftueshëm për të bindur liderët e 32 vendeve anëtare. Prioriteti kryesor ishte mbrojtja e NATO-s, ndërsa i radhës. “Prioriteti im i dytë është që shtojmë mbështetjen tonë për Ukrainën dhe ta afrojmë më shumë NATO-n”, tha ai.
Rutte, një aleat i vendosur i Shteteve të Bashkuara të Amerikës dhe zë i fuqishëm në armatosjen e Ukrainës, pritet që problemin më të madh në drejtim të NATO-s ta ketë me Rusinë dhe kërcënimet e vazhdueshme bërthamore që lëshon Moska.
“Të mos harrojmë që Ukrainë po bën një luftë për vetëmbrojtje. Kjo do të thotë se Ukraina ka të drejtë të vetëmbrohet. Sipas ligjit ndërkombëtar, kjo e drejtë nuk përfundon në kufi. Kjo nënkupton se Ukraina është në gjendje që të godasë shënjestra në territorin e agresorit”, tha Rutte.
Ai shtoi se rruga e Ukrainës për në NATO tashmë është e pakthyeshme, ndërsa drejtoi dhe gishtin nga Kina. “Përmes mbështetjes për industrinë ushtarake të Rusisë, Kina është shndërruar në një mundësuese vendimtare e luftës së Rusisë në Ukrainë. Kina nuk mund të vazhdojë të furnizojë konfliktin më të madh në Europë që prej Luftës së Dytë Botërore pa ndikuar kjo në interesat dhe reputacionin e saj”.
Ndryshe nga sa ishte mësuar në Holandë, 57-vjeçari do të duhet të heqë dorë nga përdorimi i biçikletës për të shkuar në vendin e punës, kjo për shkak të protokollit të sigurisë. (A2 Televizion)
A2 CNN Livestream
MUND TE LEXONI GJITHASHTU
