Një shpërthim i fuqishëm ka ndodhur në një fabrikë ruse, e cila prodhon motorë për tanket dhe automjetet e blinduara ushtarake të Vladimir Putinit.
Pamjet e shpërthimit në uzinën në Chelyabinsk, e cila ndodhet në malet Ural pranë kufirit me Kazakistanin, janë bërë menjëherë virale në internet. Autoritetet ruse nuk kanë dhënë arsye për shkakun e shpërthimit, megjithatë, që pas nisjes së luftës në Ukrainë, shumë fabrika ruse që prodhojnë armatime janë goditur nga dronë kamikazë të ngritur nga Ukraina.
Kjo fabrikë është furnizuesi kryesor për motorët e tankeve T-72, T-90 Proryv, BMPT Terminator. Gjithashtu, që pas nisjes së luftimeve, ajo po përdorej për riparimin e mjeteve ushtarake të dëmtuara gjatë luftës. (A2 Televizion)
A2 CNN Livestream
MUND TE LEXONI GJITHASHTU
