Si plagët e Faraonit... ujërat e detit të Galilesë në Izrael bëhen të kuqe

Njolla të kuqe të ndezura janë shfaqur ditët e fundit në sipërfaqen e Detit të Galilesë, në Izrael, duke shkaktuar shqetësim.

Ekspertët thonë se shfaqja e njollave është për shkak të shfaqjes së algave të gjelbra të specieve Botryococcus braunii që ishin shumëzuar vitet e fundit.

Sa i përket ngjyrës së kuqe, ajo është për shkak të akumulimit të një pigmenti natyror nga algat e kombinuar me ekspozimin ndaj rrezeve të forta të diellit, siguroi ministria.

Ngjyruesi nuk është toksik, raporton Jerusalem Post. Autoriteti kompetent siguroi se, pavarësisht ngjyrosjes, ujërat e Detit të Galilesë janë të sigurta për not, ndërsa nuk janë regjistruar reaksione alergjike.

Gjithçka është në rregull, thonë shkencëtarët, por askush nuk mund t'i shmanget tundimit për të bërë krahasime. Diçka që as Jerusalem Post nuk e shmangu, duke kujtuar se e gjithë kjo na sjell ndërmend të parën nga dhjetë plagët e Faraonit, gjatë së cilës ujërat e Nilit morën ngjyrën e gjakut. (A2 Televizion)