Hijet e skandalit të abuzimit me të mitur nga priftërinjtë janë rikthyer në Itali. Në Breshia, një prift 48-vjeçar dyshohet se ka abuzuar seksualisht me fëmijë të mitur që kanë marrë pjesë në aktivitetet e tij të famullisë nga viti 2013 deri në vitin 2014.
Prifti katolik Ciro Panigara, u vendos sot në arrest shtëpiak me akuzën e abuzimit seksual të të miturve.
Hetimet për të nisën vitin e kaluar, pas një ankese nga një adoleshent i cili "iu hap" një mësuesi të ri.
Peshkopi vendas kishte vendosur të largonte priftin nga famullia e tij janarin e kaluar, pak pasi nisën hetimet.
“Për të gjithë ne, mbrojtja e bashkëqytetarëve tanë është gjithmonë e para”, tha peshkopi katolik i rajonit, Pierantonio Tremolada.
Siç shkruan gazeta Corriere della Sera, "besimtarët e zonës së San Paolos, ku shërbeu At Ciro Panigara, kanë mbetur të shtangur dhe të tronditur nga e gjithë kjo histori". (A2 Televizion)
A2 CNN Livestream
MUND TE LEXONI GJITHASHTU
