“E kam përmbushur detyrën time”, njoftoi kryeministri Robert Fico i Sllovakisë në një deklaratë zyrtare të lëshuar nëpërmjet zyrës së qeverisë sllovake.
Kujtojmë se Sllovakia, së bashku me Hungarinë dhe Republikën Çeke, është e përjashtuar nga pagesa e kredisë prej 90 miliardë eurosh për Ukrainën, që Brukseli ka rënë dakord të japë, shkruan A2 CNN.
“Sllovakia nuk do të jetë pjesë e asnjë kredie kur bëhet fjalë për nevojat e Ukrainës në kohë lufte”, vazhdoi ai, duke shtuar se vendi i tij besonte se nuk kishte zgjidhje ushtarake për luftën.
Kritikët thonë se Fico, së bashku me Viktor Orban të Hungarisë, është bërë një nga asetet më të vlefshme të Kremlinit në Bashkimin Evropian, duke përqafuar vazhdimisht qëndrimet dhe retorikën e Moskës, shkruan A2 CNN.
Kryeministri sllovak është takuar me Vladimir Putinin tri herë gjatë 12 muajve të fundit dhe ka thënë se udhëheqësi rus është "demonizuar gabimisht" nga perëndimi. Ai thotë se rrënjët e konfliktit datojnë shumë kohë para vitit 2022 dhe ka folur për "sulmet e neonazistëve ukrainas" në vitin 2014.
Megjithatë, ai theksoi se Sllovakia mbetet një mbështetëse e fortë e ambicieve të Ukrainës për në BE dhe theksoi se vendi i tij po furnizon Ukrainën me energji elektrike dhe gjithashtu lejon rrjedhat e kundërta të gazit. (A2 Televizion)
A2 CNN Livestream
MUND TE LEXONI GJITHASHTU
