Dy avionë luftarakë hungarezë të tipit JAS-39 Gripen, pjesë e Njësisë së Policisë Ajrore Baltike të NATO-s, u ngritën me urgjencë nga Baza Ajrore Siauliai në Lituani, pas sinjalizimit për praninë e pesë avionëve luftarakë rusë në afërsi të hapësirës ajrore të Danimarkës.
Sipas një deklarate të Komandës Ajrore të NATO-s, avionët rusë të identifikuar ishin një Su-30, një Su-35 dhe tre MiG-31, të cilët u afruan rrezikshëm pranë kufirit ajror danez pa njoftim paraprak dhe pa plan fluturimi të regjistruar.
Ky incident vjen vetëm pak orë pasi avionë luftarakë amerikanë u ngritën në ajër për të monitoruar katër avionë ushtarakë rusë pranë Alaskës.
Komanda e Mbrojtjes Hapësinore të Amerikës së Veriut (NORAD) konfirmoi se dy bombardues strategjikë me rreze të gjatë veprimi Tu-95 dhe dy avionë luftarakë Su-35 u pikasën brenda Zonës së Identifikimit të Mbrojtjes Ajrore të Alaskës (ADAZ), një zonë ajrore ndërkombëtare që shërben për identifikimin e hershëm të çdo fluturimi pranë territorit sovran të SHBA dhe Kanadasë. (A2 Televizion)
A2 CNN Livestream
MUND TE LEXONI GJITHASHTU
