Franca i ka ndaluar hyrjen Ministrit të Sigurisë Kombëtare të Izraelit, Itamar Ben-Gvir, pas "veprimeve të tij të papranueshme" ndaj aktivistëve të flotës së Gazës, shkruan A2CNN.
Ministri i Jashtëm Jean-Noel Barrot tha se “ne nuk mund të tolerojmë që shtetasit francezë të kërcënohen, frikësohen ose brutalizohen në këtë mënyrë, veçanërisht nga një zyrtar publik.”
Ai tha se kjo vjen pas një “liste të gjatë deklaratash dhe veprimesh tronditëse, nxitjesh për urrejtje dhe dhunë kundër palestinezëve”.
Aktivistët kundër gjenocidit në Palestinë, të liruar nga paraburgimi pasi Izraeli sekuestroi një flotilje ndihmash të nisur drejt Gazës, thonë se janë torturuar, sulmuar seksualisht dhe u janë mohuar të drejtat bazë ligjore.
Organizatorët e Flotiljes Globale "Sumud" thanë se disa aktivistë u shtruan në spital pas lirimit të tyre, ndërsa të paktën 15 persona raportuan sulme seksuale, përfshirë përdhunime.
Forcat izraelite rrëmbyen të paktën 430 persona nga 50 anije në ujërat ndërkombëtare të martën, ndërsa bllokuan flotijën në mënyrë që të mos dërgonte ndihma në Gaza. (A2 Televizion)
A2 CNN Livestream
MUND TE LEXONI GJITHASHTU
