Të paktën 27 të burgosur u gjetën të vdekur nga asfiksia të dielën në burgun Machala të Ekuadorit në provincën El Oro, disa orë pas trazirave të armatosura që i morën jetën 4 të burgosurve të tjerë dhe lanë dhjetëra të plagosur.
Autoritetet thanë se po punonin ende për të “sqaruar faktet” dhe personeli i mjekësisë ligjore ishte në vendngjarje për të verifikuar informacionin.
Dita vdekjeprurëse në burgun e Machalës shënon shpërthimin më të fundit të trazirave në burgje në vendin e Amerikës së Jugut .
Burgjet ekuadoriane janë bërë qendra operative për bandat rivale të trafikut të drogës , me mbi 500 të burgosur të vrarë në luftime midis grupeve që konkurrojnë për të kontrolluar tregtinë fitimprurëse, por të paligjshme.
Incidenti shpërtheu rreth orës 3 të mëngjesit në burgun në Machala, një qytet jugperëndimor në Ekuador.
Banorët vendas mund të dëgjonin të shtëna me armë zjarri, shpërthime dhe britma për ndihmë që vinin nga brenda mureve të burgut.
Autoriteti i burgjeve i Ekuadorit lëshoi një deklaratë ku thuhej se katër persona kishin vdekur në dhunën e mëngjesit, ndërsa 33 të burgosur dhe një oficer policie u plagosën.
Agjencia tha se ekipet e policisë së elitës hynë menjëherë në burg dhe rimorën kontrollin pas shpërthimit të trazirave.
Por nuk specifikoi identitetin e të ndjerëve dhe as nuk konfirmoi nëse dhuna ishte një rast tjetër i luftimeve bandash.
Besohet se dhuna lidhet me planet për të zhvendosur disa të burgosur në një burg të ri me siguri maksimale të ndërtuar nga qeveria e Presidentit Daniel Noboa në një provincë tjetër, i cili do të përurohet këtë muaj. (A2 Televizion)
A2 CNN Livestream
MUND TE LEXONI GJITHASHTU
