Presidenti i Shteteve të Bashkuara, Donald Trump, tha të mërkurën se bisedimet për krizën me Iranin do të zhvillohen me dyer të mbyllura dhe se vetëm një grup “pikash domethënëse” janë të pranueshme për SHBA-në, pa dhënë detaje të tjera mbi negociatat.
“Këto janë pikat që përbëjnë bazën mbi të cilën ramë dakord për një armëpushim. Është diçka e arsyeshme dhe mund të zbatohet lehtësisht,” tha ai në një postim në rrjetet sociale. Trump gjithashtu i tha ABC News në një intervistë se pret që bisedimet të fillojnë të premten dhe të ecin shumë shpejt.
Kryeministri i Pakistanit, Shehbaz Sharif, tha më herët të mërkurën se delegacionet amerikane dhe iraniane do të mbërrijnë në Pakistan të premten, pasi të dy vendet pranuan një armëpushim dyjavor.
Në postimin e tij online, Trump gjithashtu kërcënoi me një hetim federal ndaj individëve të paidentifikuar që ai i akuzoi, pa paraqitur prova, se po shpërndanin korrespondenca të ndryshme, të cilat sipas tij nuk ishin baza e marrëveshjes së armëpushimit. (A2 Televizion)
A2 CNN Livestream
MUND TE LEXONI GJITHASHTU
