Presidenti ukrainas Volodymyr Zelensky tha të premten se presidenti amerikan Donald Trump do t’i lejojë Ukrainës të prodhojë raketa “Patriot”, një kërkesë kyçe teksa Kievi përpiqet të përballojë sulmet e pandërprera ajrore ruse.
“Ka marrëveshje konkrete në fuqi”, u tha Zelensky gazetarëve. “Gjatë takimit tonë të fundit, Presidenti Trump theksoi se, po, kam marrë vendimin përfundimtar: Ukraina do të marrë një licencë për të prodhuar raketa Patriot.”
Të dy u takuan në kuadër të Asamblesë së Përgjithshme të Kombeve të Bashkuara në Nju-Jork këtë javë, ku Zelensky e cilësoi homologun e tij rus, Vladimir Putin, si “pacientin zero”, duke thënë se sa më shumë liri të ketë ai për të vepruar, “aq më e rrezikshme bëhet bota për të gjithë të tjerët”.
Çështja nëse Trump do ta përmbushte premtimin për t’i lejuar Ukrainës të prodhojë interceptuesit “Patriot”, një sistem i avancuar mbrojtjeje që gjurmon dhe shkatërron objektivat, për të cilin ukrainasit shpresojnë se do t’i ndihmojë të përballojnë sulmet e pandërprera me raketa balistike të Rusisë.
(A2 Televizion)
A2 CNN Livestream
MUND TE LEXONI GJITHASHTU
