Ndërsa Sekretari Amerikan i Shtetit Marco Rubio po iu drejtohej mediave në takimin e G7 në Kanada, ka folur edhe Presidenti rus Vladimir Putin.
Sipas mediave të huaja, Putin tha se situata ka filluar të lëvizë pas bisedimeve me të dërguarin e Donald Trump, Steve Witkoff në Moskë, duke shtuar "le të shohim se çfarë do të ndodhë prej saj".
Putin adresoi gjithashtu kërkesën e Trump për të kursyer jetën e trupave ukrainase që pretendohet nga Rusia se janë rrethuar, shkruan A2 CNN.
Kujtojmë se në një postim në Truth Social, presidenti amerikan tha: "Unë i kam kërkuar me forcë Presidentit Putin që t'i kursehet jeta”.
"Kjo do të ishte një masakër e tmerrshme, e paparë që nga Lufta e Dytë Botërore", tha Trump më herët.
Duke iu përgjigjur komenteve të Trump, Putin u bëri thirrje autoriteteve ukrainase që të japin urdhër që ushtarët e tyre të dorëzohen.
Ai thotë se në rast se ata dorëzohen, Rusia do të garantojë se do t'u shpëtohet jeta.
Siç u përmend më herët, Ukraina ka thënë se pretendimet se trupat e saj janë të rrethuar në Kursk, janë të pavërteta. (A2 Televizion)
A2 CNN Livestream
MUND TE LEXONI GJITHASHTU
