Presidenti i Shteteve të Bashkuara, Donald Trump, ka deklaruar se SHBA vijon të monitorojë nga afër objektet bërthamore në Iran që u goditën gjatë sulmeve të vitit 2025.
Në një postim në rrjetin social Truth Social, Trump u shpreh se Forca Hapësinore Amerikane “kanë kamera në çdo centimetër” të tre objekteve bërthamore iraniane që u shënjestruan në kuadër të Operacionit “Midnight Hammer”.
Ai shtoi se këto struktura po mbahen nën vëzhgim të vazhdueshëm, duke theksuar kapacitetet e avancuara të SHBA për mbikëqyrje.
Trump pretendoi gjithashtu se sulmet e ndërmarra kanë “shkatërruar plotësisht” vendet ku ndodhej uraniumi, duke bërë që Irani të mos ketë mundësi t’i aksesojë apo t’i rikuperojë ato.
(A2 Televizion)
A2 CNN Livestream
MUND TE LEXONI GJITHASHTU
