Presidenti Donald Trump është gati të nënshkruajë Aktin Laken Riley, legjislacioni i parë që merr nënshkrimin e tij që nga kthimi i tij në Shtëpinë e Bardhë.
Sipas mediave të huaja, Projektligji mban emrin e një studenteje për infermieri në Xhorxhia, e cila u vra vitin e kaluar nga një burrë venezuelian, teksa shkonte për vrap në kampusin e Universitetit të Xhorxhias.
Ky projektligj kërkon ndalimin e emigrantëve të paautorizuar, të akuzuar për vjedhje dhe krime të dhunshme, shkruan A2 CNN.
Përpara se të diskutojë legjislacionin, Presidenti përsëriti një pretendim të bërë dje rreth bllokimit nga administrata e tij të prezervativëve me vlerë 50 milion dollarë që dërgoheshin në Gaza.
Ai gjithashtu pretendoi sërish se administrata e tij kishte qenë përgjegjëse për restaurimin e ujit të rubinetit në Kaliforni, pas zjarreve shkatërruese.
"Uji tani ka filluar të rrjedhë në Kaliforni, ndërsa ne vazhdojmë restaurimin e rrjetit në ditët në vijim," tha ai.
"Askush nuk ka parë diçka të tillë", tha më tej Trump, shkruan A2 CNN.
Departamenti i ujit në Kaliforni tha dje se qeveria federale rivendosi në funksion pompat federale të ujit, pasi ato ishin jashtë funksionit për tre ditë. (A2 Televizion)
A2 CNN Livestream
MUND TE LEXONI GJITHASHTU
