Kryeministri izraelit Benjamin Netanyahu sugjeroi kundërshtinë e tij ndaj mundësisë që forcat turke të kenë një rol në Rripin e Gazës si pjesë e misionit për të monitoruar armëpushimin e mbështetur nga SHBA, shkruan A2 CNN.
Duke folur në Jerusalem në krah të zv.presidentit JD Vance, Netanyahu tha se kishin diskutuar mbi Gazën e pasluftës përfshirë, lidhur me ata që do të garantojnë sigurinë në territorin e shkatërruar nga lufta.
Vance, i cili një ditë me herët tha se plani për armëpushimin po shkonte më mirë nga çfarë pritej, rikonfirmoi optimizmin e tij. “Nuk kam thënë kurrë se do të ishte e lehtë, por jam optimist se armëpushimi do të mbajë”, tha ai.
Duke ju përgjigjur pyetjes mbi idenë e forcave turke në Gaza, Netanyahu tha se kishte opinione shumë të forta lidhur me këtë çështje, ndërsa Vance pohoi se Ankaraja do të luajë rol konstruktiv. (A2 Televizion)
A2 CNN Livestream
MUND TE LEXONI GJITHASHTU
