Donald Trump ka nënshkruar planin e paqes në Gaza në samitin me liderët rajonalë në Sharm el-Sheikh, duke e përshëndetur atë si një "nënshkrim shumë të rëndësishëm".
Teksa e bënte këtë gjë, ai tha: "Kjo na mori 3,000 vjet, a mund ta besoni? Dhe do të qëndrojë". "Kjo është një ditë e jashtëzakonshme për botën”, shtoi Presidenti amerikan.
Ai thotë se marrëveshja është aq e madhe sa do të shmangë një Luftë të Tretë Botërore, e cila, sipas Trump mund të kishte ndodhur në Lindjen e Mesme.
Pas Trump firmën mbi planin e paqes e hodhi edhe udhëheqësi egjiptian Abdel Fattah al Sisi dhe presidenti turk Rexhep Taip Erdogan.
Trump duket se po e shijon udhëheqjen e samitit, teksa falënderoi stafin dhe ndihmësit e tij për arritjen e asaj që ai mendonte se do të ishte marrëveshja "më e vështirë" për t'u arritur.
“Mendova se kjo ndoshta do të ishte më e vështira, dhe ndoshta në shumë mënyra ishte, por ne kishim shumë talente të mëdha. Kishim një gamë të mahnitshme talentesh dhe na ndihmuan, në veçanti, vendet e përfaqësuara në këtë tryezë”, tha presidenti Trump.
Nuk është ende e qartë se çfarë saktësisht përfshihet në dokumentin që nënshkruan udhëheqësit, por Trump tha se do të mbajë një fjalim përpara se të takohet privatisht me udhëheqësit. (A2 Televizion)
A2 CNN Livestream
MUND TE LEXONI GJITHASHTU
