Udhëheqësi i një fisi të vetëshpallur afrikan që jeton në një pyll skocez është zotuar se grupi i tij do të qëndrojë aty, pavarësisht një urdhri gjykate që thotë se kampi duhet të hiqet.
Sipas mediave të huaja, një sherif të premten lëshoi një urdhër-arresti për të ashtuquajturën Mbretëria e Kubalës, e cila ka qenë e vendosur pranë Jedburgh në kufijtë skocezë gjatë disa javëve të fundit.
Tre anëtarët e mbretërisë së vetëshpallur kanë thënë se po rimarrin tokën që u është vjedhur paraardhësve të tyre 400 vjet më parë.
Kofi Offeh, 36 vjeç, është udhëheqësi i grupit dhe i vetëshpalluri Mbret Atehene. Dy anëtarët e tjerë janë gruaja e tij Jean Gasho, 43 vjeç, e cila e quan veten Mbretëresha Nandi dhe "shërbëtorja" Kaura Taylor, e cila e quan veten Asnat.
Pasi u lëshua urdhri i arrestit të premten, ata nuk treguan dëshirë për t'u larguar.
Duke folur në kamping, zoti Offeh tha: “Krijuesi i qiejve dhe i Tokës, është ai me ne.”
"Ne nuk kemi frikë nga çfarëdo që gjykata - e ashtuquajtura gjykatë - ka dhënë", shtoi ai më tej, përcjell A2 CNN.
I pyetur nëse planifikojnë të shpërngulen, ai u përgjigj: “Nëse krijuesi i qiejve dhe i Tokës dëshiron që ne të shpërngulemi nga kjo tokë, ai do të na gjejë një vend ku të shkojmë.”
Duke lëshuar urdhrin në Gjykatën e Sherifit të Jedburgh të premten në mëngjes, Sherifi Peter Paterson tha se ai do të hyjë në fuqi menjëherë.
Asnjë nga anëtarët e të ashtuquajturës mbretëri nuk ishte në gjykatë dhe ata nuk kishin përfaqësim ligjor, shkruan A2 CNN.
Padia civile u ngrit pasi treshja injoroi një njoftim të mëparshëm për dëbim, i cili thoshte se ata duhej të largoheshin deri në orën 17:00 të hënën.
Më parë, këshilltari i Jedburgh, Scott Hamilton, tha se pronarit të tokës nuk i kishte mbetur "asnjë zgjidhje" përveçse të ndërmerrte veprime ligjore.
Ai tha: “Këshilli do ta mbështesë pronarin e tokës në hapat e mëtejshëm dhe të gjitha masat shtesë të sigurisë do të mbeten në fuqi derisa kjo situatë të zgjidhet.” (A2 Televizion)
A2 CNN Livestream
MUND TE LEXONI GJITHASHTU
