Presidenti ukrainas Volodymyr Zelensky ka mbërritur në Stamboll për bisedime "thelbësore" mbi çështje sigurie me Presidentin turk Erdogan, tha Zelensky të shtunën.
"Po punojmë për të forcuar partneritetin tonë për të siguruar mbrojtje të vërtetë për jetët e njerëzve, për të avancuar stabilitetin dhe për të garantuar sigurinë në Europën tonë, si dhe në Lindjen e Mesme," shkroi Zelensky në X.
Ai nuk dha më shumë detaje mbi temën e bisedimeve. Ukraina ka nënshkruar së fundmi marrëveshje bashkëpunimi për sigurinë me Arabinë Saudite, Emiratet e Bashkuara Arabe dhe Katarin, dhe thotë se është në bisedime me disa shtete të tjera të Lindjes së Mesme për marrëveshje të ngjashme, përcjell A2CNN.
Pas shpërthimit të luftës në Lindjen e Mesme, Ukraina ka kërkuar të shfrytëzojë eksperiencën e saj kundër droneve, të fituar gjatë luftës katërvjeçare kundër Rusisë.
Moska ka përdorur prej kohësh dronë të dizajnuar nga Irani për të sulmuar Ukrainën që nga invazioni i saj në shkurt 2022.
Zëdhënësi i Zelensky-t u tha gazetarëve se ai do të takohet me Patriarkun Bartolomeu, klerikun më të lartë të Kishës Ortodokse. (A2 Televizion)
A2 CNN Livestream
MUND TE LEXONI GJITHASHTU
