Një zjarr shpërtheu në Pavijonin 16 të Spitalit Sacco të Milanos rreth orës 10:00 të mëngjesit më 15 janar. Mediat italiane bëjnë të ditur se flakët përfshinë një pjesë të Arkivit Diagnostikues brenda pak minutash, shkruan A2 CNN. Zjarri preku gjithashtu dhomat e zhveshjes dhe disa klinika ambulatore ku punonjësit e kujdesit shëndetësor po kryenin analiza dhe po ekzaminonin dhjetëra pacientë në atë kohë.
Sipas informacioneve të raportuara deri më tani nga mediat fqinje, askush në korridoret e spitalit të Milanos nuk është lënduar ose helmuar. Ky rezultat u arrit falë përpjekjeve të përbashkëta të zjarrfikësve dhe stafit të spitalit, të cilët reaguan menjëherë për të shuar zjarrin.
A2 CNN përcjell se të gjithë pacientët u evakuuan dhe tridhjetë zjarrfikësit që mbërritën në vendngjarje po kryejnë operacione pastrimi.
Ende nuk është e qartë se çfarë e shkaktoi zjarrin. Flakët u përhapën me shpejtësi dhe ndërhyrja e shpejtë e shërbimeve të emergjencës dhe zjarrfikësve ishte thelbësore. Zjarrfikësit mbërritën me katër automjete dhe i shuan flakët. (A2 Televizion)
A2 CNN Livestream
MUND TE LEXONI GJITHASHTU
