Emisari i posaçëm i Bashkimit Europian për Ballkanin Perëndimor dhe dialogun Kosovë-Serbi, Miroslav Lajçak, ka përmbyllur vizitën e tij në Uashington.
Gjatë qëndrimit në tokën amerikane, është takuar me ndihmës sekretarin e shtetit, James O’Brien, si dhe me të dërguarin amerikan për Ballkanin Perëndimor, Gabriel Escobar.
Lajçaku thotë se diskutoi lidhur me rrugën për të ecur përpara në dialogun Kosovë-Serbi dhe konfirmuan bashkëpunimin e shkëlqyer mes Brukselit dhe Uashingtonit.
Të njëjtin mesazh pati edhe O’Brien. “Kemi koordinuar strategjitë për të lëvizur përpara Kosovën dhe Serbinë në dialogun e lehtësuar nga BE-ja”, shkruan zyrtari I Departamentit të Shtetit.
Ai nënvizon mes tjerash se SHBA-të mbështesin fuqishëm dialogun dhe rrugën drejt marrëdhënieve paqësore dhe produktive. (A2 Televizion)
A2 CNN Livestream
MUND TE LEXONI GJITHASHTU
