Dorën në zemër e vendosi në intonimin e himnit shqiptar. Ministri i Mbrojtjes i Kosovës, Ejup Maqedonci, priti me nderimet më të larta homologun e tij nga Tirana, Pirro Vengu.
Ata u pajtuan për thellimin e bashkëpunimit në shumë sektorë të sigurisë. Në konferencën për shtyp, ministri Vengu u pyet nga A2 CNN nëse Shqipëria planifikon të shtojë trupat në Kosovë si pjesë e lëvizjeve të fundit nga vendet e NATO-s.
“Shqipëria është e gatshme për shtimin e trupave ushtarak në Kosovë, këtë e ka nëse është e nevojshme. shteti shqiptar nuk ka asnjë rezervë”, tha Vengu, raporton A2.
Ministri shtoi se autoblindat shqiptare “Shota” do të jenë pjesë e ushtrisë së Kosovës dhe se për trajnim trupat e FSK do të kenë gjithçka në dispozicion në Shqipëri, shkruan A2.
“Kosova vijon të jetë prioritet absolut i Shqipërisë dhe si rrjedhoje prioritet parësor i Ministrisë së Mbrojtjes, e cila ka qenë gjithmonë në krahë dhe në mbështetje të zhvillimit të Forcave të Sigurisë së Kosovës”, u shpreh Vengu.
Kurse Ministri i Mbrojtjes, Ejup Maqedonci tha se Kosova synon të jetë pjesë e NATO-s dhe e strukturave tjera euroatlantike, bashkë me Shqipërinë dhe mbështetjen e saj, transmeton A2.
Gjatë vizitës në Prishtinë, ministri Vengu u takua dhe me kryeministrin e Kosovës, Albin Kurti, me të cilin zhvilloi një bisedë të hapur dhe miqësore për urat që lidhin dy vendet.
Shefi i qeverisë në një deklaratë nënvizoi se pret thellimin e bashkëpunimit në fushën e mbrojtjes dhe kërkoi mbështetjen e Shqipërisë për anëtarësimin e Kosovës me të drejta të plota në Kartën e Adriatikut. (A2 Televizion)
A2 CNN Livestream
MUND TE LEXONI GJITHASHTU
