Ka nisur në Kuvendin e Kosovës seanca e jashtëzakonshme ku pritet të votohet për formimin e Qeverisë së re.
Kryeministri në detyrë, Albin Kurti po prezanton në Kuvend programin qeverisës dhe pritet edhe kabineti i ri qeveritar.
“Të nderuar deputetë, nuk do të kem ekspoze të re realisht, ngaqë këto zgjedhje të reja vetëm sa na e kanë ndëprerë qeverisjen e njëjtë”, tha ai.
Seanca vjen pasi ushtruesja e detyrës së presidentes, Albulena Haxhiu, e caktoi Albin Kurtin mandatar për formimin e Qeverisë, pas propozimit të Lëvizjes Vetëvendosje.
Përveç deputetëve të Lëvizjes Vetëvendosje, në sallën plenare janë parë edhe deputetët e Listës Serbe dhe komuniteteve tjera joshumicë.
Ndërkohë, në sallë nuk janë parë deputetët e Lidhjes Demokratike të Kosovës (LDK) dhe ata të Partisë Demokratike të Kosovës (PDK).
(A2 Televizion)
A2 CNN Livestream
MUND TE LEXONI GJITHASHTU
