Ditën e sotme kryeministri i Kosovës, Albin Kurti dhe Presidenti i Serbisë, Aleksandër Vuçiç, kanë zhvilluar një takim me shefen e re të Diplomacisë së BE-së, Kaja Kallas.
Kallas ka ndarë fotografi nga takimi me dy liderët, përmes një postimi në rrjetin social ‘X’, shkruan A2 CNN.
Krahas fotografive, Kallas ka shkruar se rruga e vetme për anëtarësimin në BE të Kosovës dhe Serbisë është normalizimi i marrëdhënieve mes tyre, në bazë të marrëveshjes së Ohrit.
Ajo, duke e cilësuar sulmin në kanalin e Ibër Lepencit si terrorist, ka thënë se ka mirëpritur gatishmërinë e të dy vendeve për zbardhjen e ngjarjes.
Sipas Kallas, autorët e sulmit në komunën e Zubin Potokut duhet të shkojnë para drejtësisë.
“U takova me Aleksandër Vuçiç dhe Albin Kurtin sot. Rruga e vetme për anëtarësim në BE është normalizimi i marrëdhënieve mes vendeve të tyre, në bazë të marrëveshjes së Ohrit. E mirëprita gatishmërinë e tyre për të bashkëpunuar plotësisht pas sulmit të fundit terrorist. Autorët duhet të përballen me drejtësinë”, ka shkruar Kallas.
I met @avucic and @albinkurti today.
— Kaja Kallas (@kajakallas) December 3, 2024
The only way to EU membership is through normalisation of their relations, on the basis of the Ohrid agreement.
I welcomed the readiness to fully cooperate after the recent terrorist attack. Perpetrators must face justice. pic.twitter.com/SRChOiwPb2 (A2 Televizion)
A2 CNN Livestream
MUND TE LEXONI GJITHASHTU
