Serbia i kthehet ashpër Shteteve të Bashkuara, pasi Departamenti i Shtetit i bëri thirrje Beogradit dhe Prishtinës të përmbahen nga veprimet e pakoordinuara apo aktet legjislative që janë në kundërshtim me normalizimin e marrëdhënieve.
“Serbia nuk ka nga çfarë përmbahet. Do të të ishte mirë që SHBA të përmbahet nga përpjekjet për të qeverisur Serbinë”, ishin fjalët e zv.kryeministrit Aleksandër Vulin, shkruan A2.
Ai sulmoi gjithashtu Uashingtonin për mbështetjen herë publike dhe herë e fshehtë ndaj Kurtit, siç u shpreh, dhe dhunës së tij kundër serbëve.
“Dhe nëse SHBA do të përmbahej nga bombardimi i Serbisë pa pëlqimin e Këshillit të Sigurimit të OKB-së, nuk do të kishte pasuar të ashtuquajturën “Kosovë”, as dëbim të serbëve dhe as destabilitet në rajon”, deklaroi Aleksandër Vulin.
Vulin shtoi se e vetmja rrugë për përparim në dialog është zbatimi i pakushtëzuar i Marrëveshjes së Brukselit dhe krijimi i Asociacionit të Komunave me Shumicë Serbe. Departamenti i Shtetit tha në një reagim për mediat në Kosovë se dialogu me mbështetjen e BE është rruga e vetme përpara, po u bëri thirrje palëve të shmangin përshkallëzimin përmes veprimeve të pakoordinuara. (A2 Televizion)
A2 CNN Livestream
MUND TE LEXONI GJITHASHTU
