Debati për zgjedhjet e parakohshme në Kosovë vlerësohet se u shfrytëzua për të larguar vëmendjen nga dështimi i anëtarësimit në Këshill të Evropës.
Analistët politikë e shohin të pamundur mbajtjen e zgjedhjeve të parakohshme gjatë muajve të verës ndërsa i quajnë të padobishme që të ketë proces në vjeshtë, pak muaj para mbajtjes së zgjedhjeve të rregullta.
“Kryeministrit Kurti i duhej një zhvendosje e vëmendjes nga dështimi në KiE prandaj edhe opozita, kryesisht PDK çuditërisht ia dha një aset politik në mënyrë që të krijohej një debat i ri në publik për mundësinë e shkuarjes në zgjedhje të reja”, thotw Artan Muhaxhiri.
“Mendoj se edhe kërkesa e partive opozitare që të ketë zgjedhje në këtë moment është e pasinqertë e po ashtu edhe nga ana e kryeministrit është një taktikë pas këtyre dështimeve që i patëm në rrugën e Kosovës për anëtarësim në KiE”, shprehet Fidan Ukaj
Lëvizja Vetëvendosje dhe Partia Demokratike kërkuan që zgjedhjet të vinin si rezultat i shpërndarjes së Parlamentit, mirëpo LDK dhe AAK kërkojnë dorëheqjen e kryeministrit Albin Kurti.
Por, në rast te mbajtjes së zgjedhjeve të parakohshme, kujt do t’i shkonin më shumë për shtati, pushtetit apo opozitës?
“Zgjedhjet e parakohshme aktualisht do t’i leverdisnin opozitës sepse kryeminsiti Kurti përpos dështimit në KiE nuk ka ndonjë sukses të madh në skenën e brendshme politike apo ekonomike, raportet me aleatët tanë janë të dëmtuara maksimalisht”, thekson Muhaxhiri.
Partia Demokratike e Kosovës konfirmoi se do të tentojnë deri të enjten për të arritur një dakordim me të gjithë partitë për të shkuar në zgjedhje. (A2 Televizion)
A2 CNN Livestream
MUND TE LEXONI GJITHASHTU
