Kuvendi i Malit të Zi miratoi projektligjin për ratifikimin e marrëveshjes ndërmjet Qeverisë së Malit të Zi dhe Emirateve të Bashkuara Arabe, për bashkëpunim në turizmin dhe zhvillimin e pasurive të paluajtshme.
Për këtë marrëveshje votuan 46 deputetë, dhjetë kundër, ndërsa katër abstenuan. Seanca për dy marrëveshjet me Emiratet e Bashkuara Arabe zgjati më shumë se 12 orë. Kundër kësaj marrëveshje votuan deputetë nga partitë e pakicave, përveç Partisë Boshnjake, si dhe Lëvizja Qytetare URA dhe deputeti socialdemokrat Boris Mugosha.
Deputetët nuk e pranuan amendamentin e deputetes së pavarur Jevrosima Pejoviç, e cila kërkonte që projektet që do të realizoheshin përmes kësaj marrëveshjeje të mos trajtohen si interes publik. Kryetari i Ulqinit, Genci Nimanbegu, ka bërë thirrje publike për qytetarët që të mblidhen para Parlamentit të Malit të Zi, për të kundërshtuar planet për dhënien apo shitjen e Plazhit të Madh. (A2 Televizion)
A2 CNN Livestream
MUND TE LEXONI GJITHASHTU
