Në prag të mbajtjes së konferencës së parë ndërqeveritare për nisjen e negociatave të anëtarësimit me Bashkimin Europian të Shqipërisë, kryeministri Edi Rama shprehet se Shqipëria ulet sot në tryezën e madhe të Europës së Bashkuar për të filluar negociatat për anëtarësimin e saj. Në një postim në Facebook, kreu i qeverisë shqiptare shpreh kënaqësinë për këtë arritje të të gjithë shqiptarëve.
“Mirëmëngjes me kënaqësinë e me krenarinë që sot Shqipëria e të gjithëve ne, pa dallim feje, krahine, ideje, moshe a statusi social, Shqipëria e Skënderbeut, e rilindasve, e dëshmorëve të luftës, e martirëve të regjimit komunist, e studentëve të Dhjetorit '90, Shqipëria e familjeve të zakonshme shqiptare, kudo ndodhen dhe e fëmijëve tanë kudo ku rriten me prindërit e tyre, ulet në tryezën e madhe të Europës së Bashkuar për të filluar negociatat për anëtarësimin e saj”, shkruan Rama.
Sot është një ditë historike për vendin tonë, ku në Bruksel do të mbahet konferenca e parë ndërqeveritare së bashku me Maqedoninë e Veriut. Sipas agjendës së publikuar, Kryeministri Edi Rama do të takohet me homologun maqedonas, Dimitar Kovaçevski dhe presidenten e Komisionit Europian, Ursula Von der Leyen, në orën 08:30.
Agjenda
08.30 – Takim mes z. Edi Rama, Kryeministër i Republikës së Shqipërisë, z. Dimitar
Kovaçevski, Kryeministër i Republikës së Maqedonisë së Veriut, dhe znj. Ursula
von der Leyen, Presidente e Komisionit Europian (Vendi: Selia e Komisionit
Europian, Le Berlaymont, Rue de la Loi 200, 1049 Bruxelles)
09.00 – Deklaratë e përbashkët shtypi e Kryeministrit Rama, Kryeministrit Kovaçevski
dhe Presidentes Von der Leyen
Gjuha: Anglisht
11.00 – Mbajtja e Konferencës së Parë Ndërqeveritare
12.30 – Konferencë e përbashkët shtypi e z. Edi Rama, Kryeministër i Republikës së
Shqipërisë, z. Jan Lipavský, Ministër i Punëve të Jashtme të Republikës së
Çekisë dhe z. Oliver Varhelyi, Komisioneri Europian për Zgjerimin
Gjuha: Shqip-Anglisht, ofrohet përkthim simultan
15.00 – Takim screening i z. Zef Mazi, Kryenegociator i Shqipërisë me BE
18.00 – Pritje e përbashkët me palën Maqedonase me rastin e hapjes së negociatave
me Bashkimin Europian (Vendi: Hotel Sofitel)
20.00 – Nisja drejt aeroportit “Zaventem” të Brukselit
20.30 – Mbërritja në aeroportin “Zaventem” të Brukselit
20.45 – Fluturim drejt aeroportit të Tiranës (TC-ANA)
23.15 – Mbërritja në aeroportin e Rinasit (A2 Televizion)
A2 CNN Livestream
MUND TE LEXONI GJITHASHTU
