Kryeministri Edi Rama ka reaguar pas raportimeve se në disa spitale rajonale kanë refuzuar shpërblimin modest, duke qenë se qeveria ka premtuar 1000 euro për mjekët dhe 500 euro për stafin mbështetës gjatë pandemisë.
Kreu i qeverisë sqaron se këto shpërblime janë vetëm mbi pagën për mjekët dhe infermierët që përballen drejtpërdrejt me koronavirusin në spitale Covid. Edi Rama shtoi se kush i nxit këto kërkesa për politikë do të ndëshkohet nga populli.
“Unë e kam thënë shqip që do të paguajmë 1000€ mbi pagën për mjekët e infermierët në Vijën e Zjarrit! Kush ka ngatërruar vijën e zjarrit në spitalet Covid e në autoambulanca, me detyrën e bluzës së bardhë në territor, duhet të kthjellohet e të mos turpërojë bluzën e bardhë! Kush i nxit nga jashtë kërkesat për shpërblime pa asnjë sens bën politikën e mbrapshtë që ka bërë gjithnjë dhe do ndëshkohet nga populli, kush nga brenda bëhet mashë politike cënon misionin e shenjtë e moralin e bluzave të bardha në këtë luftë dhe nuk do të justifikohet në vijim”, tha Rama. (A2 Televizion)
A2 CNN Livestream
MUND TE LEXONI GJITHASHTU
