Partia Demokratike e Rithemelimit prezanton sot raportin për shkeljet që, sipas saj, janë kryer gjatë zgjedhjeve lokale të 14 majit.
Sipas kreut të këtij grupimi të PD-së, raporti bazohet në fakte dhe dokumente të konstatuara në të gjithë vendin dhe vërteton se “Shqipëria kaloi më 14 maj një farsë elektorale.”
Duke u bazuar te raporti, Sali Berisha foli për pabarazi ekstreme mes partive garuese në zgjedhje gjatë fushatës elektorale.
Kreu i Rithemelimit përmendi po ashtu regjistrimin e drejtuesit të koalicionit “Bashkë Fitojmë” në fletën e votimit, gjë që sipas tij u bë me urdhër të kryeministrit Edi Rama.
“Rama nuk lejoi regjistrimin e kundërshtarit të tij politik nga frika dhe tmerri. Komisionet elektorale, më të pabarabarta. Ndryshuan qendrat e votimit duke shkelur ligjin. Dita e votimit, ditë kulmore e farsës elektorale.”
Sipas Berishës, janë konstatuar qindra raste të votimit familjar apo shoqëror.
“Vota u kontrollua në mënyrë të tmerrshme në çdo etapë të saj. Mediat në kontroll të plotë të qeverisë”, shtoi kreu i Rithemelimit.
Rezultatet e raportit, që janë aktualisht, duke u prezantuar nga një grup pune në selinë blu, pritet të publikohet në mënyrë që të kenë akses qytetarët. (A2 Televizion)
A2 CNN Livestream
MUND TE LEXONI GJITHASHTU
