Guvernatori i Bankës së Shqipërisë, Gent Sejko, në Komisionin e Ekonomisë ka lexuar raportin e institucionit që ai drejton për vitin 2022.
Sejko tha se borxhi publik u ul në 64.6% e prodhimit të brendshëm bruto gjatë vitit të shkuar.
“Deficiti buxhetor i vendit zbriti nga niveli i 4.6% i PBB në nivelin 3.7% për vitin 2022. Ndërkohë që borxhi publik u reduktua në nivelin 64.6 % të PBB. Ky përmirësim pasqyroi si efektin e rritjes së bazës nominale të të ardhurave ashtu dhe kursin e konsolidimit fiskal të ndjekur gjatë vitit.
BSH është e bindur se kursi normalizues i politikës monetare është qëndrimi i duhur që duhet ndjekur për politikën monetare edhe në interes të ruajtjes së parametrave markoenomikë të vendit”, tha mes të tjerash Sejko. (A2 Televizion)
A2 CNN Livestream
MUND TE LEXONI GJITHASHTU
