Komisioni i Zgjedhjeve në Serbi mori një vendim të ri për çështjen se ku do të votojnë serbët e Kosovës për referendumin për ndryshimet kushtetuese, pasi parlamenti në Prishtinë vendosi me anë të një rezolute të mos lejojë organizimin e këtij procesi në territorin e vendit.
Kështu, me urgjencë, KQZ në Serbi vendosi që serbët nga Kosova mund të votojnë për këtë referendum në komunat jugore të Kurshumli, Novi Pazar, Rashkë e Vranjë, të cilat nuk ndodhen shumë larg kufirit.
Kryeministri i Kosovës Albin Kurti thirri mbledhje të jashtëzakonshme të parlamentit, një ditë pasi bashkë me presidenten, Vjosa Osmani dhe kryetarin e parlamentit, Glauk Konjufca, refuzuan thirrjet e diplomatëve perëndimorë për të lejuar mbajtjen e referendumit edhe në zonat e banuara me shumicë serbe në Kosovë.
Me 76 vota parlamenti miratoi një rezolutë sipas së cilës mbajtja e referendumit të Serbisë në Kosovë, cenon sovranitetin dhe rendin kushtetues të Republikës së Kosovës. (A2 Televizion)
A2 CNN Livestream
MUND TE LEXONI GJITHASHTU
