Vijojnë përpjekjet e ndërkombëtarëve për të finalizuar me konsensus reformën zgjedhore. Burime për A2 konfirmojnë se negociatat vazhdojnë prej mbrëmjes së djeshme, ku janë investuar Shtetet e Bashkuara të Amerikës dhe Bashkimi Europian.
Zyra e shtypit e ambasadës amerikane, në përgjigje të interesit të A2, konfirmoi se ambasadorja Yuri Kim ka thërritur në takim ekipin negociator dhe ambasadorët e BE-së dhe Britanisë së Madhe, si dhe një përfaqësues i OSBE-së.
“Ambasadorja ka thirrur një mbledhje me të 4 aktorët e Këshillit Politik, OSBE, BE, dhe Britaninë e Madhe, për të ofruar një vlerësim të dorës së parë për negociatat dhe të sigurojë që reforma të përmbyllet, në përputhje me rekomandimet e ODIHR”, thotë zyra e shtypit e ambasadës amerikane.
Mësohet se takimi ka përfunduar rreth orës 14:00. (A2 Televizion)
A2 CNN Livestream
MUND TE LEXONI GJITHASHTU
