Rezultati i zgjedhjeve, Duma: I papritur, përgjegjësi duhet të mbajë edhe kreu i partisë

Grida Duma, një nga nënkryetaret e Partisë Demokratike, deklaroi se lidershipi i PD ka përgjegjësi për humbjen në zgjedhjet e pjesshme të 6 marsit.

“Është dëshpërues rezultati, në një mënyrë apo në një tjetër, krejtësisht i papritur. Pa diskutim duhet të merren vendime të rëndësishme dhe duhet të mbahet përgjegjësi, duke përfshirë edhe kryetarin e partisë”, tha Duma.

“Kërkesat që do t’i bëj unë grupit të PD-së apo lidershipit, do të njiheni pas mbledhjes”, shtoi Duma.

Ndërsa deputeti Ervin Salianji u shpreh: "Ditë e tmerrshme, pa diskutim".

Gazment Bardhi, Sekretar i Përgjithshëm i PD-së, theksoi se ndjen trishtim "që ka parë demokratë që kanë mllef ndaj njëri-tjetrit", edhe pse kanë bërë betejë 8 vite krah për krah.

"Sot është dita për reflektim", nënvizoi Bardhi. (A2 Televizion)