2 muaj nga mbyllja e fazës së grupeve, himni i UEFA Champions League do të rikthehet të dëgjohet në dy impiante madhështorë.
Në “Wanda Metropolitano”, Atetico Madrid do të presë kampionët në fuqi të Europës, Liverpool. Dhimbje koke për teknikun e spanjollëve, Diego Simeone, i cili këtë sezon ka pasur 19 lojtarë të dëmtuar dhe në përballjen e sotme nuk do të mund të japin kontributin e tyre Joao Felix dhe Kirean Trippier, ndërsa mbetet në dyshim prezenca e sulmuesit Diego Costa. Kriza e Atletico Madrid është e dukshme. “Los Colshoneros” kanë fituar vetëm 1 nga 6 ndeshjet e fundit në të gjitha kompeticionet.
Liverpool, nga kampi tjetër, mbetet padyshim favorite. Në superformë, dhe me titullin e Premier League në xhep, skuadra e Jurgen Klopp kërkon konfirmimin në arenën Europiane.
Spektakli është i garantuar edhe në Gjermani, atje ku përplasen Dortmund dhe Paris Saint Germain. Kampionëve të Francës iu rikthehet ylli i skuadrës Neymar, i cili nuk ishte prezent në barazimin dramatik të javës së fundit. Parisienët duan thyejnë mallkimin në Europë atje ku 3 vitet e fundit janë eliminuar që në këtë fazë.
Dortmund do të ketë mbështetjen e tifozerisë së zjarrtë në “Signal Iduna Park”. Verdhezinjtë janë të frikshëm në sulm, teksa kanë shënuar 22 gola në 5 ndeshjet e kampionatit për këtë vit dhe do të kërkojnë të shfrytëzojnë formën e mirë të kohëve të fundit për të marrë një rezultat sa më pozitiv që në takimin e parë. (A2 Televizion)
A2 CNN Livestream
MUND TE LEXONI GJITHASHTU
