Rrëzoi avionin 85 milionë eurosh të Rusisë me çifte, pensionisti ukrainas shpallet hero

Nga A2 CNN
5 Shtator 2022, 22:36 | Bota

Mediat ukrainase i kanë dhënë zë një ngjarje të pazakontë sipas të cilës një pensionist vendas arriti të rrëzonte një avion luftarak rus Su-34 duke e qëlluar atë me çifte.

Sipas Agjencisë Kombëtare të Kufirit, Valeriy Fedorovych hapi zjarr nga mjetit ajror armik ndërsa ai po kalonte mbi rajonin e Chernhiv.

Në videot e postuara në rrjetet sociale shihet avionë i sofistikuar rus prej 85 milionë eurosh që bën spirale dhe më pas përplaset në tokë.

Për këtë shërbim ndaj atdheut, Agjencia e Kufirit i akordoi pensionistit medaljen e heroizmit.

Fedorovych shihet më pas që ecën nëpër rrugët e shkatërruara të qytetit të tij dhe tregon pjesët e avionit të rrëzuar që i mban si relikte në garazhin e tij. (A2 Televizion)

A2 CNN Livestream

Latest Videos