Albana Muçaj, e ftuar në “A2 Business” me Aurora Sulçen, u shpreh se “ndryshe nga vitet e kaluara, rritja e çmimeve sivjet nuk lidhet me ditët e fundit të vitit”.
“Përveç abuzimeve nga vetë tregtarët në këtë periudhë, kemi të bëjmë me një rritje çmimesh të qëndrueshme, të ndikuar nga prodhimi i pamjaftueshëm dhe rritja e çmimeve të produkteve të importit”, sqaroi gazetarja dhe sipërmarrësja.
“Kjo nuk ka të bëjë vetëm me Shqipërinë. Bota nuk mendoi për zhvillimet ekonomike, pasi ishte emergjenca shëndetësore, dhe çmimet u rritën menjëherë. Rrjedhimisht, u ndikuam edhe ne”, shtoi Muçaj.
Sipas saj, Shqipëria po paguan sot kostot e politikave që nuk janë menduar mirë.
“Ne kemi akoma dyfish importe në krahasim me eksportet. Ne paguajmë kostot e politikave jo të menduara mirë. Po të ishim më të fokusuar te prodhimi, këtë rritje çmimesh do ta vuanim shumë më pak”, theksoi Muçaj. (A2 Televizion)
A2 CNN Livestream
MUND TE LEXONI GJITHASHTU
