Rusia tenton të përdorë sërish çështjen e Kosovës si referencë për të justifikuar luftën e saj në Ukrainë.
Ministri i Jashtëm Sergei Lavrov tha në Organizatën e Kombeve të Bashkuar se perëndimi e njohu pavarësinë e Kosovës pa një referendum, ndërsa atë të Krimesë e kundërshton, duke pretenduar se në gadishull është mbajtur një referendum.
“Është e qartë se regjimi nazist në Kiev nuk mund të konsiderohet në asnjë mënyrë përfaqësues i banorëve në Donbas, ashtu as Prishtina nuk mund të pretendojë se përfaqëson interesat e Serbëve të Kosovës”, tha Lavrov.
Ministri rus shtoi se Bashkimi Europian u premtoi serbëve të Kosovës një autonomi, siç bënë Berlini dhe Parisi i premtuan Donbasit një status special.
Kryediplomati i Moskës tha ndër të tjera se vetë Joe Biden nxiti bombardimet e NATO-s në Beograd, dhe sipas tij, tani serbëve u kërkohet që të mos ofendohen për shkak të atij zhvillimi. (A2 Televizion)
A2 CNN Livestream
MUND TE LEXONI GJITHASHTU
