Saktësimi i adresës dhe problemet e hasura nga disa qytetare, nuk sjellin ndryshim të qendrës së votimit. Ky është shpjegimi që përfaqësuesi i Drejtorisë së Përgjithshme të Gjendjes Civile dha në një seancë dëgjimore me Komisionin Qendror të Zgjedhjeve. Sipas tij, zgjedhësit do të vijojnë të votojnë në të njëjtat qendra votimi.
Problemet e hasura nga disa shtetas me transferimet e pakërkuara të adresave të banimit, nuk do të ndikojnë në ditën e votimit. Kjo është garancia që dha para Komisionit Qendror të Zgjedhjeve, Drejtoria e Përgjithshme e Gjendjes Civile, që në seancën dëgjimore u përfaqësua me drejtorin e IT-së, Vangjush Stavro.
Sipas Gjendjes Civile, nga verifikimet e kryera rezulton se ndryshimi i adresës së banimit është bërë me kërkesë të qytetarit, si pjesë e një programi në bashkëpunim mes OSHEE-së dhe Ministrisë së Brendshme.
Ndërsa anëtarët e KQZ-së dhanë raste konkrete të familjarëve të tyre, siç bëri Muharrem Çakaj i LSI.
Rinovimi i kartave të identitetit ishte një tjetër shqetësim, ku demokratja Helga Vukaj kundërshtoi përfaqësuesin e Gjendjes Civile.
Bazuar mbi të dhënat e Gjendjes Civile, KQZ pritet që të përcaktojë shpërndarjen e 140 mandateve në 12 qarqet e vendit. (A2 Televizion)
A2 CNN Livestream
MUND TE LEXONI GJITHASHTU
