Sekretari amerikan i Shtetit Mike Pompeo ka shpërndarë një deklaratë ku me rastin e Festës së Pavarësisë, ngushëllon Shqipërinë për pasojat e rënda të tërmetit.
“Ndërsa Shqipëria përkujton solemnisht Ditën e saj të Pavarësisë, ne përcjellim ngushëllimet tona më të thella për ata që humbën jetën në tërmetin e kësaj jave. Sot, lutjet tona shkojnë për familjet e tyre, si dhe për njerëzit e plagosur. Në emër të popullit amerikan, ne ju urojmë shërim të shpejtë të gjithë të prekurve. Edhe tani, ashtu si në kohë të tjera të vështira, Shtetet e Bashkuara qëndrojnë në krah të miqve tanë në Shqipëri”, thuhet në deklaratën e tij.
Deklarata nënvizoi edhe partneritetin e fortë midis dy vendeve, dhe mbështetjen e SHBA drejt integrimit europian, “përfshirë reformat që synojnë forcimin e një sistemi drejtësie të pavarur”. (A2 Televizion)
A2 CNN Livestream
MUND TE LEXONI GJITHASHTU
