Senati i kufizon fuqitë ushtarake Trump

Edhe pse dështuan me “Impeachment”, demokratët vijojnë sulmet ndaj presidentit të Shteteve të Bashkuara, Donald Trump.

Senati amerikan miratoi së fundmi një rezolutë që e kufizon autoritetin e presidentit Donald Trump për të nisur operacione ushtarake kundër Iranit, pas vrasjes së gjeneralit të lartë Soleimani.

Sipas rezolutës që e mbështetën dhe disa senatorë republikanë, Trump duhet të marrë në fillim miratimin e Kongresit në të ardhmen, përpara se të ndërmarrë veprime ushtarake kundër Iranit.

Senatori Kaine, i cili ishte dhe hartuesi i kësaj rezolute) dhe mbështetës të tjerë thanë se rezoluta nuk është për Trump, por rivlerëson fuqinë e Kongresit për të shpallur luftë.

Sipas Kushtetutës së Shteteve të Bashkuara të Amerikës është Kongresi ai që ka fuqinë për të shpallur luftë dhe jo presidenti. (A2 Televizion)