Zhurmën e fundit politike e ka shkaktuar drafti i dorëzuar me amendimet e PS-së, që reflekton edhe ndryshimet kushtetuese të korrikut dhe duhet të përkthehet në ligj elektoral.
Për këtë paketë propozimesh foli në A2 deputeti i PS, Adnor Shameti, i cili u shpreh se ky variant i paraqitur nga kjo mazhorancë është ai që pasqyron më mirë ndryshimet kushtetuese të 30 korrikut dhe mishëron më së miri të gjithë frymën e paketës së 5 qershorit.
“Nuk është kapriço e jona, ky draft, por është varianti më i mirë që gjen zbatim pas këtyre ndryshimeve kushtetuese. Nuk është fantazi e jona, ky është një variant i përqafuar nga një numër i madh vendesh të BE”.
Më tej, deputeti i PS thekson se ky variant lejon koalicionet brenda së njëjtës listë. “Me këtë variant realizohet në praktikë për të gjithë zgjedhësit që të bëjnë zgjedhjen preferenciale të tyre për emrin e një kandidati në listë. Kjo është dhe risia që sjellin ndryshimet kushtetuese. Hiqet çështja e koalicioneve të partive dhe në mënyrë kategorike me këtë propozim që ne kemi paraqitur lejohen koalicionet brenda të njëjtës listë nga disa parti politike”.
Por pse mazhoranca nuk e mori në shqyrtim kërkesën e PD-së për konsulencë nga ODIHR? “Qëndrimi i ODIHR ka qenë në kuadrin e plotësimit me ekspertë në fushën e zgjedhjeve dhe jo në draftimin e ndryshimeve kushtetuese. I ftoj kolegët jashtë parlamentit që të paraqesin një draft të tyre, pasi ODIHR shprehet me drafte reale”. (A2 Televizion)
A2 CNN Livestream
MUND TE LEXONI GJITHASHTU
